ဒီကနေ့ ခေတ်ပာာ သတင်းအချက်အလက် ခေတ်ပါ။ ဆိုလိုတာက အချက်အလက် ပိုများများနဲ့ မှန်မှန်ကန်ကန် ရနိုင်တဲ့သူက ပိုအောင်မြင်နိုင်တယ်။
ဇာတ်လမ်းတစ်ခု ရှိတယ်။
လေယာဉ်ပျံပေါ်ကနေ လေထီးမပါပဲ ခုန်ချရဲရင် ဒေါ်လာတစ်သန်းပေးမယ်လို့ မိတ်ဆွေကို ပြောတယ် ဆိုပါစို့။
မိတ်ဆွေ လုပ်ရဲမလား။ ဘယ်လုပ်ရဲမလဲ။ လေထီးမပါရင် သေဖို့က ကျိန်းသေနေပြီလေ။
ဒါပေမယ့် လေယာဉ်က မြေပြင်ပေါ်မှာ ရပ်ထားတယ် ဆိုရင်ရော???
သတင်းအချက်အလက်ဆိုတာ အဲ့ဒါကို ပြောတာပါ။ မသေချာ၊ မရေရာ၊ မပြည့်စုံတဲ့ အချက်အလက်တွေအပေါ်မူတည်ပြီး ဆုံးဖြတ်ရင်၊ စဉ်းစားရင် အဲ့ဒီဆုံးဖြတ်ချက်တွေပာာ မှားယွင်းတတ်တယ်။
မိတ်ဆွေပာာ လုပ်ငန်းတစ်ခု စလုပ်တယ်။
မိတ်ဆွေရဲ့ ထုတ်ကုန်တွေကို ဝယ်မယ့်သူတွေ ရှိမယ့် နေရာမှာရော ရောင်းလား။ ဈေးနှုန်းကရော သင့်တင့်ရဲ့လား။ ဒီလိုမျိုး အခြေခံကျတဲ့ ဈေးကွက် သုတေသန တစ်နည်းအားဖြင့် ဈေးကွက်နဲ့ ဆိုင်တဲ့ အချက်အလက်တွေ ပြည့်ပြည့်စုံစုံ မရပဲ စလုပ်ရင်တော့ ရှုံးဖို့ ပိုများပါတယ်။
ရင်းနှီးမြှုပ်နှံမှုလုပ်မယ်ဆိုရင်လည်း ဒီလိုပါပဲ။ အိမ်ခြံမြေပဲ ဖြစ်ဖြစ်၊ ရွှေပဲ ဖြစ်ဖြစ်၊ စတော့ရှယ်ယာပဲ ဖြစ်ဖြစ်၊ မှန်ကန်တဲ့ သတင်းအချက်အလက်မရှိပဲ ကိုယ့်ငွေတွေကို သွားပြီး ရင်းနှီးမြှုပ်နှံလိုက်ရင် ပလုံသွားနိုင်ခြေ များပါတယ်။
နိုင်ငံခြားမှာ ကျောင်းသွားတက်တာ ဖြစ်ဖြစ်၊
တစ်ခုခု ဝယ်တာ ဖြစ်ဖြစ်၊
နောက်ဆုံးပြောရရင် တစ်ယောက်ယောက်နဲ့ လက်ထပ်ရင်တောင် လိုအပ်တဲ့ သတင်းအချက်အလက်တွေကို ပြည့်ပြည့်စုံစုံနဲ့ မှန်မှန်ကန်ကန် ရထားဖို့ သိပ်အရေးကြီးပါတယ်။
မှန်ကန်တဲ့ အချက်အလက်တွေမှသာ မှန်ကန်တဲ့ ဆုံးဖြတ်ချက်၊ မှန်ကန်တဲ့ ရွေးချယ်မှုတွေ ဖြစ်ပေါ်စေမှာပါ။