ရင်းနှီးမြှုပ်နှံမှုဂုရုကြီး ဝါရင်းဘတ်ဖတ်ပြောခဲ့တဲ့ စကားတစ်ခွန်း ရှိပါတယ်။
“ဝင်ငွေလမ်းကြောင်းတစ်ခုတည်းအပေါ် ဘယ်တော့မှ မမှီခိုပါနဲ့”
ဝင်ငွေလမ်းကြောင်းတစ်ခုတည်းအပေါ်မှာပဲ မှီခိုနေတာက သိပ်မကောင်းပါဘူး။
ဆိုပါစို့။ မိတ်ဆွေမှာ အလုပ်တစ်ခုရှိတယ်၊ လစာရလို့ ဝင်ငွေရှိတယ်။
အကြောင်းတစ်ခုခုကြောင့် မိတ်ဆွေ အလုပ်ပြုတ်သွားရင် ဘယ်က ဝင်ငွေနဲ့ မိသားစု စားသောက်မလဲ။
ဒါကြောင့်မို့လို့ ဝင်ငွေတစ်ခုတည်းအပေါ်မမှီခိုသင့်ဘူးလို့ ပြောနေရခြင်းပါ။
ဝင်ငွေလမ်းကြောင်းတွေ များများရှိအောင်လို့ ကြိုးစားအားထုတ်သင့်ပါတယ်။ အချိန်ပြည့်အလုပ်အပြင် အချိန်ပိုင်းအလုပ်ရော၊ အခြားအလုပ်တွေပါ လုပ်နိုင်ရင် ပိုကောင်းပါတယ်။
အကောင်းဆုံးကတော့ လစဉ်ရတဲ့ဝင်ငွေထဲကနေ စုဆောာင်းမှုတွေ ပြုလုပ်ပြီး ရင်းနှီးမြှုပ်နှံမှုတွေ လုပ်ဆောင်သင့်ပါတယ်။ ရင်းနှီးမြှုပ်နှံမှုလုပ်ဆောင်ခြင်းပာာ Passive Income တည်ဆောက်နေခြင်းပါ။
မြန်မာပြည်မှာဆိုရင် စတော့ရှယ်ယာ၊ ရွှေ၊ အိမ်ခြံမြေ လုပ်ငန်းတွေမှာ ရင်းနှီးမြှုပ်နှံလို့ ရပါတယ်။ ဒါမှမပာုတ်လည်း ယုံကြည်စိတ်ချရတဲ့ မိတ်ဆွေတစ်ယောက်ယောက်ရဲ့ လုပ်ငန်းမှာ ရှယ်ယာဝင်ထားကာ ရင်းနှီးမြှုပ်နှံမှုတွေ လုပ်ဆောင်နိုင်ပါတယ်။
ရင်းနှီးမြှုပ်နှံထားရင် အချိန်သီးသန့်ပေးစရာမလိုပေမယ့် ကိုယ့်ရင်းနှီးမြှုပ်နှံမယ့် လုပ်ငန်းအကြောင်းကို သေသေချာချာ လေ့လာထားဖို့ လိုပါလိမ့်မယ်။ မပာုတ်ရင် အိတ်ပေါက်နဲ့ ဖားကောက်သလို ဖြစ်နေပါလိမ့်မယ်။
ဘယ်လိုပဲဖြစ်နေပါစေ၊ ဒီခေတ်ကြီးထဲမှာ ဝင်ငွေတစ်ခုတည်းနဲ့ မရပ်တည်သင့်တော့တာ အမှန်ပါ။
နောက်ထပ် လုပ်ငန်းတစ်ခု လုပ်တာဖြစ်ဖြစ်၊ ရင်းနှီးမြှုပ်နှံမှုတစ်ခုခု လုပ်တာဖြစ်ဖြစ် လုပ်ဆောင်သင့်ပါတယ်။